Low kërkon që Gjermania të mos e nënvlerësojë

Trajneri i Gjermanisë, Joachim Low, ka kërkuar nga skuadra e tij që të mos e nënvlerësojnë Algjerinë.

 

Gjermania dhe Algjeria do të ndeshen sonte në orën 18:00, në 1/8 e finales së Kampionatit Botëror ‘Brazili 2014’.

 

Tekniku gjerman mendon se Algjeria në mesin e vet ka disa lojtar të shquar, e të cilët sipas tij, janë të rrezikshëm.

 

“Ne e kemi parë se Algjeria nuk e ka vetëm një lojtar të madh. Ata kanë disa lojtarë cilësor. Ekipi i tyre është shumë i bashkuar. Gjithkush është i gatshëm për të dhënë më të mirën. Është një ekip i ekuilibruar”, ka thënë Low.

 

Strategu gjerman beson se skuadra e tij do t’ja dalë ta fitojë përballjen me Algjerinë dhe të kualifikohet në çerekfinalen e Botërorit 2014.