Mungesa e librave, shkollat: Mungesë e theksuar e librave; MASH: Zgjidhje vetëm përmes ndryshimeve ligjore

Kërkesat në dikasterin e arsimit janë bërë me kohë edhe atë qysh në muajin prill por ende nuk ka përgjigje nga Ministria.

 

Drejtori i sh. F. Adem Jashari, Halil Palloshi vlerëson se përvec mungesës së librave, shumë libra të cilët janë në përdorim e sipër nga nxënësit  janë të amortizuara, sepse kanë kaluar 7 vite që ato nuk janë zëvendësuar me të reja edhe pse sipas vendimit paraprak nga MASH librat duhet të zëvendësohen me ekzemplarë të rinj çdo 5 vjet. 

 

“Për klasën e dytë mungon gjuha angleze arsimi teknik 10 libra,për klasën e pestë gjuha maqedone dhe shqipe dhjetë libra,për klasën e gjashtë gjuha maqedone 100 libra, gjuha shqipe, arsimi teknik 88 libra,p ër klasën e shtatë gjuhë angleze 100 libra për klasën e tetë gjuhë angleze frenge dhjetë libra,për matematik biologji fizik kimi 100 libra. Kërkesa jonë është që të ketë libra të reja për vitin e ardhshëm komplet”, tha Halil Palloshi, drejtor në Sh.F. Adem Jashari.

 

“Ne i kemi porositur librat konkretisht nga gjashtë prilli gjashtë muaj më parë dhe ende nuk i kemi disa libra për klasë të shtatë, tetë edhe pse mësimi ka filluar tre muaj më parë, librat nuk i kemi”, tha Agim Ramadani, Arsimtar.

 

Nxënësit thonë se mungesa e librave vështirëson mësimin e njësive mësimore, librat ekzistues janë të dëmtuara dhe kërkojnë të pajisen me libra të reja.

 

 

“Librat janë përgjithësisht të dëmtuara, kopertinat, faqet të gjitha”, thanë nxënësit e anketuar.

 

Ndërkohë nga MASH për TVM 2  njoftojnë  se numri më i madh i librave janë dorëzuar në shkolla, ndërkohë që po punohet në gjetjen e zgjidhjes përmes  ndryshimeve  ligjore  për tejkalimin e të gjitha problemeve përfshi këtu edhe kontestin me shtëpitë e huaja botuese.

 

“Libra të caktuara nga gjuhë të huaja nuk janë dorëzuar në shkolla sepse në rrjedhë janë procedura apo konteste mes shtëpive botuese për atë se kush është distributor i autorizuar i librit. Disa konteste kanë përfunduar, disa vazhdojnë dhe MASH nuk mund ti blejë ato deri sa të përfundojnë procedurat. Për një libër ministri i mëparshëm ka sjellë vendim  se e miraton  për përdorim propozimin e një botuesi , të cilit tani një shtëpi e huaj botuese nuk ia jep të drejtat e distribuimit. Poashtu një numër i madh i librave të klasës së gjashtë  është dashur të zëvendësohen vitin e kaluar por një gjë  e tillë nuk është bërë.  MASH këto mangësi  i ka evidentuar dhe do ti zgjedh përmes ndryshimeve ligjore”, thonë mga MASH.

 

MASH njofton se tash më është formuar  edhe grup punues i cili mnerret vetëm me shqyrtimin e të gjitha cështjeve për tejkalimin e problemeve dhe vendosjen e standardeve.