Mediat: Presidenti amerikan Trump mund të njoh Jerusalimin kryeqytet të Izraelit

Presidenti, Donald Trump, pritet ta njeh Jerusalemin si kryeqytet të Izraelit, gjatë një fjalimi javën e ardhshme, kanë raportuar mediat amerikane duke u thirrur në prononcime të Zyrtarëve të lartë të Shteteve të Bashkuara.

Reuters, CNN dhe media tjera, kanë raportuar dje se Trump, megjithatë, do të dëshironte që ta shtynte premtimin e tij nga fushata zgjehdore për ta lëvizur Ambasadën e Shteteve të Bashkuara në Izrael, nga Tel Avivi në Jerusalem.

Zyrtarët thanë se Trump, me gjasë do ta vazhdoj politikën e presidentëve të mëparshëm amerikanë për nënshkrimin e dokumentit për tërheqje gjshtëmujore nga respektimi i ligjit të vitit 1995, që kërkonte që Ambasada e Shteteve të Bashkuara të lëvizte nga Tel Avivi.

Statusi i Jerusalemit është njëra nga çështjet më problematike të konflitit shumëvjeçar ndërmjet palestinezëve dhe izraelitëve. Palestinezët e shohin Jerusalemin lindor si kryeqytet të shtetit të tyre të ardhshëm.

Një zëdhënës i presidentit të Autoritetit Pelstinez, Mahmud Abbas, ka tërhequr vërejtjen për efektet negative potenciale të lëvizjes së këtillë.

“Njohja amerikane e Jerusalemit si kryeqytet i Izraelit, e shkatërron procesin e paqes”, tha zëdhënësi, Nabil Abu Rudeina.