Hashim Thaçi sërish i ashpër me ndërkombëtarët: Koha e tyre ka mbaruar

Presidenti kosovar, Hashim Thaçi, është treguar sërish kritik ndaj ndërkombëtarëve dhe misioneve të tyre në Kosovë.

Ai ka thënë se koha e misioneve ndërkombëtare ka mbaruar dhe, siç ka shtuar ai, kosovarët duhet ta marrin fatin në duartë e tyre, shkruan gazetametro.net.

”Koha e misioneve të huaja ndërkombëtare në Kosovë ka kaluar. Ne i mbetemi mirënjohës bashkësisë ndërkombëtare për çdo të mirë që i ka sjell Kosovës, ashtu siç i mbajmë përgjegjës për të gjitha lëshimet dhe dështimet e tyre. Partneriteti i mirëfilltë funksionon në mënyrë reciproke”, - ka thënë Thaçi.

I pari i Kosovës është treguar kritik ndaj bashkësisë kombëtare edhe më herët, pasi ai bëri përgjegjës ata edhe për disa procese të vështira të mëhershme që ka kaluar shteti i tyre.

Presidenti kosovar i tha këto fjalë sot në fjalimin e fundvitit që po e mban para ushtarëve të Forcës së Sigurisë së Kosovës.