Autoritetet turke dhanë urdhër për arrestimin e 56 anëtarëve të dyshuar të FETO-s

Autoritetet turke sot dhanë urdhër që të arrestohen gjithsej 56 anëtarë të dyshuar të Organizatës së ashtuquajtur terroriste FETO, publikoi televizioni turk NTV.

 

Operacioni zbatohet me urdhrin e Prokurorisë kryesore të Stambollit. Aksioni zbatohet në Stamboll si edhe në 18 rajone të tjera, në mesin e së cilave Adana, Ankara, Ajdin, Bingol, Hataj, Izmir, Tekirdag dhe Zonguldak.

 

Deri më tani janë arrestuar dhjetëra persona të cilët dyshohen se e kanë përdorur aplikacionin celular Bajlok (ByLock) për përgatitjen dhe zbatimin e tentimit të vitit të kaluar për grusht shtet.

 

Sipas autoriteteve turke, grupi FETO i Fetullah Gjylenit, qëndron pas tentimit për grusht shtet më 15 korrik të vitit të kaluar./mia