Shfaqa “Armiku i Popullit”, prezantohet në Tiranë

Me ftesë të Ambasadës Norvegjeze në Shqipëri dhe Kosovë, pjesa teatrore e ansamblit të aktoreve nga Shkupi dhe Kosova, “Armiku i Popullit “, shkruar nga dramaturgu i madh norvegjez, Henrik Ibsen, me regji të Dino Mustafiqit, u shfaq në Tiranë, në sallën e Teatrit Kombëtar.                                                                    

 

Ambasada Norvegjeze në Shqipëri dhe Kosovë, i ftoi artistët nga Shkupi dhe Prishtina, të jenë pjesë e aktiviteteve kulturore që organizoi Ambasada në kuadër të 200 vjetorit të Shtetit norvegjez.                                                                                          

 

“Armiku i popullit” nga Ibsen, është konceptuar nga regjisori  Dino Mustafiq si një ring luftërash për pushtet, ku aktorët janë luftëtarë dhe politika është një shesh lufte.

 

Shfaqja “Armiku i Popullit”, e cila ka rreth një vit që po shfaqet me sukses jo vetëm në Shkup, Prishtinë dhe Tiranë, por edhe jashtë kufijve tanë, është bashkëpunim i “Teatrit të një aktori” të Bajrush Mjakut dhe Teatrit “Oda” nga Prishtina.