Çështja e emrit duhet të zgjidhet vitin e ardhshëm.

Sot në mëngjes ka qarkulluar vetëm treni i udhëtarëve për në Gjevgjeli, pasi një nga makinistët nuk e ka respektuar vendimin e të tjerëve për grevë. Makinistët e trenave kërkojnë pagesën e pjesës së dytë të rrogës së tetorit dhe paralajmërojnë se asnjë tren nuk do të qarkullojë nëse nuk paguhen. E njëjta do të ndodhë edhe në qoftë se të punësuarve deri më 25 dhjetor nuk u paguhet paga për nëntorin.

 

"Ne do të vazhdojmë me protestën, përkatësisht moskryerjen e obligimeve të punës deri në plotësimin e kërkesës, pagesën e pjesës së dytë të rrogës së tetorit. Po ashtu nëse deri më 25 dhjetor nuk na paguhet rroga e plotë e nëntorit, ne në 26 dhjetor në orën shtatë përsëri do të ndërpresim me kryerjen e obligimeve të punës”,- deklaroi kryetari i Sindikatës së Pavarur të HM – Transporti, Dushko Çakarovski.

 

Sipas grevistëve, edhe pse ministri i transportit në muajin gusht premtoi se për të punësuarit në Hekurudhat e Maqedonisë - Transporti do të gjendet zgjidhje në mënyrë që pagesat të kryhen në rregull dhe si një e plotë e jo e ndarë në dy pjesë, një gjë e tillë nuk ka ndodhur.

 

Nuk është hera e parë që në vend bllokohet transporti hekurudhor për shkak të mospagesës së të punësuarve, por edhe për shkak të kërkesave për rritje të koeficientit të punës për personelin mekanik.