Përmbytje në Itali, situatë emergjente në Parma, 2 mijë të evakuuar

Autoritetet shpallën gjendjen e emergjencës në disa zona pranë Parmës, ku lumenjtë kanë dalë nga shtrati.

Mbi 2 mijë banorë u evakuuan në një zonë të banuar pranë lumit Enca, pasi niveli i ujit tejkaloi barrierat.

Qindra pjesëtarë të ekipeve të emergjencës janë në terren për të ndihmuar personat në nevojë.