Një australiane mbijeton dy ditë, në një pus tetë metra të thellë

Një australiane fatmirësisht ia doli të mbijetojë, pasi kaloi thuajse dy ditë e izoluar në fundin e një pusi jashtë funksioni në një lokalitet që është i vetëshpallur si kryeqendra botërore e gurit me vlerë, opalit të zi.

 

Vajza 26-vjeçare Cynthia Charty u zhduk të premten, pasi u largua nga shtëpia e saj në Lightning Ridge për të shëtitur, rreth 800 kilometra në veri të Sidnejt.

 

 

Sipas të dhënave, përcjell bw, ajo është penguar dhe ka rënë në një pus tetë metra të thellë ku temperatura gjatës ditës i kalon 40 gradë Celsius.

 

Dhe për fat të mirë ajo ia doli të mbijetonte në sajë të ndihmës së policisë.

 

Ajo u nxor në sipërfaqe falë një çikriku me një kabllo të trashë duke i dhënë fillimisht ujë.

 

Vajza është shtruar menjëherë në spital në një gjendje të qëndrueshme shëndetësore.