Tjetër raketë mbi Rijad, sërish nga rebelët Houthi

 

Dëshmitarët e kanë përshkruar si një shpërthim të fuqishëm të dëgjuar në ajër, teksa raketa është shkatërruar mbi qiejt e pjesës jugore të kryeqytetit arab.

 

Një ngjarje e ngjashme u shënua edhe në fillim të muajit nëntor, me raketën balistike që u shkatërrua mbi Aeroportin e Rijadit nga sistemi i mbrojtjes antiraketore të mbretërisë.

 

Pas incidentit të parë reagoi Princi i kurorës në Arabinë Saudite, Mohammed bin Salman, i cili akuzoi Iranin për “akt agresioni të drejtpërdrejtë ushtarak” ndaj vendit të tij, për shkak se ka furnizuar me raketa rebelët në Jemen./Top Channel