Gjeneral Ostreni sjell 2001 në një libër dhe dokumentar

Nesër promovohet libri “ Ushtria Clirimtare Kombëtare, shkaqet , lufta dhe paqja në Maqedoni,   në vitin 2001”  të autorit Gjeneral Gëzim Ostreni. Gjithashtu bashkë me librin promovohet edhe dokumentari me të njejtin titull. 

 

Recenzentë të librit janë ish  komandanti i UCK-së, lideri i BDI-së Ali Ahmeti, prof-dr Mahmut Hysa, prof –dr  Gëzim Mustafaj dhe prof - dr Shpëtim Cami. Në këtë libër autori ka përmbledhur fakte dhe ngjarje të jetuara nga lufta e vitit 2001 në Maqedoni ndërkohë që për dokumentarin janë përdorur edhe xhirime ekskluzive nga kronistët e luftës në atë kohë,  si dhe nga  arkivi i TVM 2.

 

Një këndvështrim real i asaj që ka ndodhur në Maqedoni 13 vite më parë , i shikuar  me syrin e pjesmarrësve të drejtpërdejtë të konfliktit të armatosur. Promovimi i librit dhe i filmit dokumentar bëhet nesër në shtëpinë  e kulturës në Tetovë me fillim në orën 16.