MPB i përgjigjet Avokatit të Popullit: arrestimet e deputetëve ishin në bazë ligjore

Pas konstatimit të djeshëm të Avokatit të Popullit se gjatë arrestimit të deputetëve të dyshuar për dhunën e 27 prillit në Kuvend është shkelur e drejta për imunitet dhe parimi i prezumimit të pafajësisë për shkak të mosrespektimit të rregullores për mënyrën e kryerjes së punëve policore nga ana e policisë, ministri i punëve të brendshme, Oliver Spasovski, theksoi se gjatë arrestimit policia ka vepruar në bazë të urdhrit gjyqësor dhe autorizimeve ligjore.

Spasovski tha se e gjithë dokumentacioni që ka të bëjë me arrestimet i është dorëzuar Avokatit të Popullit.

“Ligji është akt më i lartë juridik se sa Rregullorja. Nuk mundet që Rregullorja të dërgojë ligjin apo Kushtetutën e Maqedonisë. Kjo është rregulla e parë në drejtësi”,- deklaroi ministër i punëve të brendshme, Oliver Spasovski.

Avokati i Popullit kërkoi nga Ministria e Brendshme sanksione disiplinore për ata që kanë bërë lëshimet e tilla gjatë arrestimit të deputetëve, ndërsa nga autoritetet gjyqësore kërkon rishqyrtim dhe hetim të motiveve të gjykatësve përse nuk e kanë marrë në pyetje imunitetin e deputetëve në atë kohë. (Florije Beluli-Kamberi, TVM2)