VMRO-DPMNE: Nuk ecet përpara kur patriotët janë në burg

Dhjetëra mbrojtës të Kushtetutës gjenden në Shutkë, teksa përfaqësuesit qeveritarë nëpër fqinjë flasin për historinë dhe ardhmërinë e Maqedonisë, thuhet në reagimin e VMRO-së, sipas së cilës “Maqedonia nuk mund të ecë para derisa patriotët janë në burg. Gjyqësia le të fillojë të ndajë drejtësi e të mos bëjë politikë, gjykata duhet të mbledhë forcë e të pranojë se ka bërë gabim kur dha urdhër për paraburgimin me bazë të artistëve dhe intelektualëve. Në Maqedoni, dhjetëra njerëz janë në paraburgim, si pjesë e një procesi të montuar, vetëm pse zëshëm treguan qëndrimin e tyre dhe iu kundërvunë një politike të caktuar”. 

 

 

“Maqedonia nuk mund të jetë anëtare e NATO-s, derisa sistemi gjyqësor përdoret si mjet i përndjekjes politike. Shteti ynë i përbashkët nuk mund të ecë para përderisa patriotët janë në burg e prezumcioni i pafajësisë është vetëm një floskulë e zbrazët”,- thuhet në reagimin e VMRO-DPMNE-së.