Rusi: Zënkë me thika në një shkollë, 15 të plagosur

Ministria rajonale e sigurisë tha se gjithsej 15 vetë, shumica prej tyre nxënës, janë plagosur në këtë incident.

Në raportet e para ishin cituar zyrtarët që kanë thënë se dy persona të maskuar e sulmuan shkollën.

Por Komiteti hetues rajonal më vonë ka njoftuar se kishte ndodhur një përleshje ndërmjet dy nxënësve me thika dhe se arsimtarët dhe nxënësit e tjerë ishin përpjekur t’i ndanin.

Policia tha se njëri prej të involvuarve në përleshje ishte nxënës i dikurshëm i kësaj shkolle.

Policia rajonale tha se një numër i paspecifikuar i të dyshuarve është arrestuar. Mësimi është ndërprerë dhe nxënësit dhe personeli i shkollës janë evakuuar.