Protesta para kuvendit, digjet flamuri i NATO-s, firma kundër dygjuhësisë

Gjatë kohës së fjalimit  në kuvend të sekretarit të përgjithsëm të Aleancës Stoltenberg, jashtë ndërtesës së parlamentit dy  grupe qytetarësh protestonin kundër NATO-s, kundër ndryshimit të emrit, kundër marrëvehsjes me Bullgarinë dhe kundër  ligjit për përdorimin e gjuhëve.

Për ta bërë protestën më të besueshme, një nga protestuesit dogji edhe flamurin e NATO-s. por edhe përkundër arsyeve të shumta për të protestuar, para kuvendit u mblodhën vetm një numër i vogël protestuesish.

Protestat u organizuan nga disa organizata qytetare dhe partia “E majta”. 

Mes protestuesve ishin edhe Filip Petrovski, deputeti i VMRO-DPMNE-së , që protestonte kundër sic tha, rrënimit të unitetit të Republikës së Maqedonisë si dhe ish deputetja Solza Grçeva.

Gjatë protestës u mblodhën edhe nënshkrime nga qytetarët, për të kundërshtuar sjelljen e ligjit për përdorimin e gjuhëve.