Shpërthim gazi në Turqi, disa të lënduar

Një shpërthim, që besohet se është shkaktuar nga një rrjedhje gazi, ka plagosur së paku 25 persona në një shesh të ngarkuar në qytetin Denizli të Turqisë.

Shpërthimi ka ndodhur në një furrë buke, duke dëmtuar ndërtesat përreth dhe duke lënduar  kalimtarët.

Sipas mediave turke, rreth 25 persona janë plagosur, pesë më  seriozisht. Shumë ndërtesa banimi dhe komerciale në Turqi përdorin gazin për ngrohje dhe gatim. Shpërthimet nga rrjedhjet nuk janë të rralla.