Greqi, shpërthejnë protestat kundër emrit

Protestuesit kundër çështjes së emrit janë mbledhur  përballë statujës së Aleksandrit të Madh, duke mbajtur në duar parulla me moton “Maqedonia është Greqia” ,”Jo fjalës Maqedoni” duke kundërshtuar përfshirjen e fjalës “Maqedonia” në zgjidhjen e mundshme të çështjes së emrit. Organizatorët e protestës kërkojnë organizimin e referendumit për këtë çështje. Protesta mbështetet nga partitë “Agimi i Artë” dhe “Lidhja e Centralistëve”, si edhe anëtarë të partisë “Grekët e Pavarur”.

 

Ndërkohë, një orë më herët, lëvizjet majtiste dhe organizatat anarkiste mbajtën kundër-protestë në pjesën tjetër të qytetit. Ata u mblodhën kundër nacionalizmit, sepse, thonë se nacionalizimi do të thotë gjak, dhunë, luftë dhe vdekje, ndërsa “fashistët” kudo në botë flasin gjuhë të njëjtë”.

 

Në këtë protest, u mbështet përfshirja e fjales “Maqedoni” në zgjidhjen e mundëshme të cështjes së emrit. Nga ana tjetër kryeministri grek në intervistë për gazetën “Etnos”, tha se i respekton ndjenjat e bashkëvendësve të tij, por shton se interesat e shtetit nuk mbrohen me protesta, por me aftësi për të negociuar.

 

Zgjidhja do të thotë emër i ndërlikuar për përdorim të përgjithshëm i pranuar nga të dyja palët. Ndërsa përdorim i përgjithshëm do të thotë se nuk mund të quhet ndryshe në marrëdhëniet bilaterale edhe në Kombet e Bashkuara, ndërsa tjetër të jetë emri kushtetues. Lidhur me NATO-n dhe BE-në, gjërat janë të qarta. Integrimi në NATO apo fillim të bisedimeve për vendin fqinj do të ketë, vetëm me emër të zgjidhur – deklaroi kryeministër i Greqisë, Aleksis Cipras.

 

Protestat në Greqi organizohen pak para takimit të parë drejtpërdrejtë mes kryeministrave Zaev dhe Cipras në Davos i caktuar për të mërkurën, ku do bisedohet edhe për emrin.