Vazhdojnë përçarjet në lëvizjen BESA, Murtezani: Plaçkitën zyrën tonë në Shkup; Demiri: Dislokuam inventarin në zyrat e reja

Sipas tyre, krahu që mbështet Bilall Kasamin, ka plaçkitur selinë qëndrore në Shkup, duke thyer madje edhe dyert. 

 

“Për këtë plaçkitje ata dje u shpërblyen me kryesuesin e Këshillit Komunal të Çairit dhe me zyrat e reja në Çair. Sa për ta njoftuar opinionin komplet mobiljet e selisë Qëndrore të Lëvizjes Besa kanë qenë donacion i kryetarit të degës së Çairit të Lëvizjes Besa dhe shfrytëzojmë rastin të njoftojmë opinionin se kjo edhe më tej do të vazhdojë të mbetet selia e Lëvizjes Besa”, shprehet Оrhan Murtezani nga lëvizja BESA - krahu i Shkupit. 

 

Por nga krahu tjetër I kësaj lëvizjeje thonë se vetëm ëhstë bërë zhvendosja e inventarit në zyrat e reja, pas skadimit të kontratës së qirasë në objektin paraprak. 

 

“Akuzat janë të pakuptimta pasi është bërë vetëm transferimi I inventarit që është në pronësi të partisë e ato janë transferuar në lokalin e ri në Shkup”, theksoi Abdush Demiri  nga lëvizja BESA - krahu i Tetovës.

 

Nga tetova u bëhet thirrje degës së shkëputur të Shkupit, që të lënë anash akuzat e pabaza dhe ti bashkangjiten procesit të zgjedhjeve të brendëshme në lëvozjen Besa dhe përgatitjeve për Kongresin e parë që do të mbahet më 24 shkurt.