Demarkacioni afër zgjidhjes, kryeministri malazez më 6 shkurt vjen në Kosovë

Marrëveshja e bllokuar e Demarkacionit me Malin e Zi, është thënë se do të zhbllokohet më së largu në muajin shkurt të këtij viti.

Për këtë, në vizitë po vjen kryeministri malazez Dushko Markovic, i cili do të qëndrojë në Kosovë më 6 shkurt, shkruan gazetametro.net.

Lajmi për ardhjen e Markovic’it në Kosovë ishte konfirmuar me vizitën e Bhgjet Pacollit në Malin e Zi para disa javësh, mirëpo kjo gjë u bë e ditur edhe sot nga kryeministria.

Kryeministrin malazez e ka ftuar homologu kosovar Ramush Haradinaj, i cili ishte i pari që e kundërshtoi marrëveshjen e arritur mes Kosovës dhe mysafirit që po pret.

Sidoqoftë, marrëveshja me Malin e Zi ka mbetur në Kuvend qe disa kohë dhe po pritet arritja e numrave të nevojshëm në Kuvend për ta kaluar.

Demarkacioni është vendosur si kusht për liberalizim të vizave, e të cilën gjë kanë kërkuar të ratifikohet edhe SHBA’ja e shtetet e BE’së.