Ligji për amnisti, Zaev: Pritet drejtësi për shumë të burgosur

Kryeministri, Zoran Zaev, thekson se Ligji për amnisti ka për qëllim lirimin e burgjeve të stërngarkuara dhe krijimin e kushteve më të mira në shtëpitë ndëshkuese përmirësuese.

 

 

Sa i përket punës dhe formimit të sërishëm të Këshillit për reforma, Zaevi njoftoi se janë në përfundim konsultimit me këshilltarët e drejtësisë.  Kreu i ekzekutivit nuk e përjashton mundësinë që në këtë këshill të përfshihen të gjitha institucionet gjyqësore, duke filluar nga kryetarët e Gjykatës Supreme, Gjykatës Penale, Prokurori Publik, Prokuroria Speciale Publike, një nga njësitë e Gjykatave të Apelit, përfaqësues nga Shoqata e Gjykatësve, përfaqësues të Odës së Avokatëve, praktikantë, ekspertë, profesorë etj.

 

Në pyetje të gazetarëve se çfarë këshilla mund të japë kryetari i Gjykatës Supreme, Jovo Vangellovski, i cili me vendimet e tij mundësoi arratisjen e personave të akuzuar nga PPS, Zaev tha:“Për mua, duke filluar nga Zoran Zaevi e deri tek cilido funksionarë, gjithçka është e kalueshme dhe e ndryshueshme, ashtu që nuk i shohim gjërat personalisht. Ja Gjykata e Apelit ka kryetar, që është në fund të mandatit të tij, por ne shkojmë me Apelin dhe nuk e dimë nëse do të jetë kryetari aktual dhe sa do të zgjasë mandati i tij, apo do të jetë një person tjetër. Nuk shkojmë sipas emrit dhe mbiemrit të personave që udhëheqin institucionet, por Gjykata Supreme në këtë lloj këshilli nuk guxon të mos përfaqësohet”,- tha kryeministri, Zoran Zaev.

 

Për shkak të disa mosmarrëveshjeve brenda Këshillit për Reforma pranë Ministrisë së Drejtësisë, e cila solli edhe strategjinë për reforma, i njëjti pushoi së ekzistuari. Këshillin e ri, emrat e të cilëve do të dihen së shpejti, do ta kryesojë kryeministri, Zoran Zaev.