Tajani, vendet e Ballkanit kanë perspektivë evropiane

Vendet e Ballkanit Perëndimor kanë perspektivë të qartë evropiane dhe në këtë proces mund të konsiderojnë në mbështetjen e Parlamentit Evropian, por megjithatë topi është në oborrin e tyre, deklaroi kryetari i Parlamentit Evropian, Antonio Tajani, në prag të vizitës së tij të sotme në Beograd.

 

Ai për portalin "Juropian Uestren Balkans" deklaroi se Serbia dhe Mali i Zi mund të jeni të gatshme për anëtarësim në BE deri në vitin 2025, duke shtuar se atje ku ekziston vullnet ka edhe mënyrë që të bëhen gjërat.

 

"Nevojitet përparim i rëndësishëm në fushat siç janë sundimi i së drejtës, gjyqësori dhe të drejtat themelore në Mal të Zi dhe Serbi",- shtoi Tajani. Ai gjatë vizitës së sotme në Beograd do të takohet me presidentin e Serbisë, Aleksandar Vuçiq, me kryeministren, Ana Bërnabiq, dhe me kryetaren e Kuvendit të Serbisë, Maja Gojkoviq, si dhe me përfaqësues të shoqërisë civile të organizuar në Konventën Kombëtare të Bashkimit Evropian.

 

Kryetari i Parlamentit Evropian arrin në Beograd disa ditë para publikimit të strategjisë së re të BE-së për Ballkanin Perëndimor, e cila pritet më 6 shkurt.