Debat publik rreth pr/ligjit për lëndët e para minerale

 

“Ligji nuk përfshin minierat aktuale që kanë marrë koncesione dhe punojnë nën mbikëqyrje të organeve për mbrojtje të ambientit jetësor. Por, ka të bëjë me 86 kërkesat e ardhshme për marrjen e koncesioneve që të mos e gërmojmë gjithë Maqedoninë lindore”,- deklaroi deputetja, Liljana Popovska.

 

Mirëpo biznesmenët kanë frikë se me këto ndryshime mund të mbyllen shumë miniera dhe shumë minatorë të mbeten pa punë.

 

“Më duket e pakuptueshme mosmarrëveshja me propozuesin pse nuk mund të bisedojmë me gjuhë të njëjtë që tregojnë numra të ndryshme nga ato që disponojmë ne”,- tha një afarist.

 

Ekspertët juridikë, në mbështetje të projektligjit, thonë se ky ligj nuk ka vetëm dimensionin ekonomik.

 

Sipas tyre, me të mbrohet e drejta për ambient të pastër dhe jetë të shëndoshë, si e drejtë themelore e garantuar me kushtetutë.

 

Ndërkaq, mbrojtësit e ambientit thonë se me dhënien e koncesioneve të reja do të ndodh gjenocid. 

 

“Pse referendum?! E shihni që qeveria e kaluar, kur i ndante koncesionet lutej që të mos vijë mendimi nga qytetarët e bashkësisë lokale. Me një fjalë duhet analizë e thellë dhe ndryshim thelbësor i atij legjislacioni”,- u shpreh eksperti, Svetomir Shkariç.

 

“Shihni! Ne jemi para një sfide që të bëjmë gjenocid të 400 mijë njerëzve në Maqedoni”,- tha një ekologjist.

 

Propozim-ligji për lëndët e para minerale është propozuar që të miratohet në Kuvend me procedurë të shkurtuar pas dhënies së 86 koncesioneve për miniera të reja dhe kundërshtimit të banorëve lokalë përmes referendumeve.