Vatikan, Erdogani takon Papa Françeskun

Papa Françesku priti sot për vizitë në Vatikan presidentin turk, Recep Tayyip Erdogan.

“Gjatë diskutimeve të përzemërta, Papa dhe presidenti turk përmendën situatën në Lindjen e Mesme, duke u ndalur më konkretisht te statusi i Jerusalemit, duke vënë në pah nevojën e promovimit të paqes dhe stabilitetit në rajon në sajë të dialogut dhe negociatave, duke respektuar të drejtat e njeriut dhe ligjin ndërkombëtar’’,- saktësoi Vatikani në një deklaratë.

Gjatë takimit privat që zgjati 50 minuta, Papa Françesku nuk ngurroi të prekte edhe ofensivën e ndërmarrë prej 20 janarit nga ana e Turqisë në Afrin të Sirisë, si rezultat i të cilës në kopshtet e kështjellës “Sant’Angelo” u organizua një protestë nga rrjeti i Kurdistanit në Itali.

Erdogani mes tjerash falënderoi Papën për mosaprovimin e vendimit të presidentit amerikan, Donald Trump, për të njohur Jerusalemin si kryeqytet i Izraelit.