Maqedoni
Osmani: Pres mbështetje nga Norvegjia në periudhën kyç për Maqedoninë
07.02.2018 14:23
Zëvendëskryministri për Çështje Evropiane, Bujar Osmani, u takua sot me ambasadorin e Mbretërisë së Norvegjisë, Arne Sanes Bjornstad...
Gjatë takimit, Zëvendëskryeministri Osmani e falenderoi ambasadorin Bjornstad për mbështetjen të cilën Mbretëria Norvegjeze ia siguron vendit tonë për projekte që kryesisht kanë të bëjnë me realizimin e qëllimeve më të rëndësishme strategjike të vendit- integrim në BE dhe NATO dhe shprehu kënaqësi që e njëjta është në rritje këtë vit.
Osmani u falënderua për bashkëpunimin e shkëlqyer të deritanishëm me Mbretërinë e Holandës, si dhe për mbështetjen e përgjithshme që Republika e Maqedonisë e merr nga ky vend në zbatimin e reformave, dhe mbështetjen nga ana e Norvegjisë për integrimet tona euro- atlantike.
“Maqedonia gjendet në një periudhë të rëndësishme, kur priten vendime të rëndësishme për integrimet tona evropiane dhe euro- atlantike, dhe në këtë moment në veçanti falënderues për çdo ndihmë dhe mbështetje nga ana e partnerëve tanë ndërkombëtar”, deklaroi Osmani, duke shtuar se pret mbështetjen e Norvegjisë edhe në periudhën e ardhshme.
Osmani informoi ambasadorin edhe për përmbajtjen e Strategjisë së publikuar të Komisionit Evropian për zgjerim me vendet e Ballkanit Perëndimor deri në vitin 2025, për rëndësinë të cilën Strategjia ka për perspektivën evropiane të Republikës së Maqedonisë, si dhe për perspektivën e gjithë rajonit.
Dy bashkëbiseduesit u dakorduan se në periudhën e ardhshme në mënyrë të barabartë të vihet fokus në dy procese; mbylljen e gjitha projekteve të përfunduara nga bashkëpunimi ynë i deritanishëm si dhe planifikimin dhe nisjen e realizimit të projekteve të bashkëpunimit bilateral për këtë viti dhe më tej, thuhet në kumtesën e kabinetit të zëvëndës kryeministrit Osmani.