Dhuna në kuvend, anulohet marrja në pyetje e Mukoskit

Deputeti, Kërsto Mukoski, nuk është marrë në pyetje, siç ishte paraparë për sot. Gjykata thotë vetëm se marrja në pyetje e të akuzuarit për pjesëmarrje në dhunën e 17 prillit në kuvend anulohet për çështje teknike, pa dhënë sqarime të mëtejshme. Deputeti i VMRO-DPMNE-së është i dyshuar nën akuzën “Cenim terrorist i rendit kushtetues”.

Bashkë me të akuzohen edhe deputetët e tjerë, Johan Tarçullovski, Ljuben Arnaudov, Lubço Dimovoski, Sashe Vasilevski dhe Zhaklina Peshevska.

Për të njëjtën vepër akuzohen gjithsej 36 persona, mes tyre edhe Mitko Çavkov dhe Igor Durllovski. Një pjesë e të akuzuarve janë në paraburgim, një pjesë në arrest shtëpiak dhe dy nga të akuzuarit ndodhen nën masat e kujdesit.