Moskë, treni del nga shinat, dhjetëra të vdekur

Dhjetëra të vdekur dhe rreth 100 të lënduar, shumica nga ta rëndë. Ky është bilanci i aksidentit të rëndë në metronë e Moskës, kur një tren doli nga binarët.

Autoritetet thonë se presioni i rrymës ka shkaktuar alarm, duke bërë që treni të ndalojë befas dhe disa vagonë të dalin nga binarët.

Rreth 200 njerëz janë evakuuar nga treni. Për evakuimin e të plagosurve nga vendi i ngjarjes janë përdorur helikopterët.

“Po evakuojmë njerëzit nga vagonët që dolën nga shinat.  Pasagjerëve iu siguruam transport tjetër, po i ndërmarrim të gjitha masat që t’i dërgojmë njerëzit në vende të sigurta”, deklaroi komandanti i Policisë në Moskë, Sergei Sobyanin.

Ata që u gjendën në metro, tregojnë momentin e aksidentit dhe tmerrin e përjetuar.

“Isha në vagon kur u përplasëm menjëherë, më erdhi si shok. Të gjithë u rrëzuam në tokë. Vagoni nuk ishte i mbushur plot, por kishte plot njerëz”, theksoi një pasagjer.

“Ndaloi fort, dritat u fikën, pastaj filluan flakët dhe tymi. Mbetëm të bllokuar”, tha një pasagjer.

Aksidenti ka ndodhur pranë stacionit “Park Pobedy”, i cili është edhe stacioni më i thellë në metronë e Moskës, përkatësisht është i thellë 84 metra. (Adnan Hajdari, TVM2)