Turqi, kryeministri Zaev për vizitë në Turqi

Kryeministri, Zoran Zaev, në kuadër të vizitës zyrtare në Republikën e Turqisë, sot do të ketë takim me kryeministrin, Binalli Jëlldërëm. Kryeministri turk, Jëlldërëm, zyrtarisht do ta presë Zaevin, dhe më pas dy kryeministrat do të realizojnë takim tet-a-tet, pas çka do të vijojë edhe takimi i delegacioneve nga Maqedonia dhe Turqia.

Jëlldërëm dhe Zaev pastaj do të mbajnë edhe konferencë të përbashkët për shtyp. Gjatë ditës, kryeministri Zaev është paraparë të takohet edhe me kryetarin e Kuvendit të Republikës së Turqisë, Ismail Kahraman, dhe me presidentin e shtetit, Rexhep Taip Erdogan. Zaev, vizitën zyrtare në Republikën e Turqisë e filloi mbrëmë me fjalim para përfaqësuesve të TOBB, Lidhja e Odave Ekonomike dhe bursave të Republikës së Turqisë.

Ai theksoi se ekzistojnë mundësi për avancimin e bashkëpunimit ekonomik midis Republikës së Maqedonisë dhe Republikës së Turqisë. Gjithashtu theksoi se qëllimi ynë është për disa vite tregtia me Turqinë të jetë një miliardë euro.

Siç kumtoi shërbimi qeveritar, Zaevi është i shoqëruar nga ministri pa portofol i obliguar për investime të huaja, Adnan Qahil, deputetët, Enes Ibrahimi dhe Jusuf Hasan, dhe sekretari shtetëror në MPJ, Viktor Dimovski.