Pakistani dërgon ushtarë në Arabinë Saudite

Pakistani do ta dërgojë një “kontigjent të trupave” në Arabinë Saudite, ka njoftuar ushtria të enjten mbrëma.

Përmes një komunikate, ushtria ka thënë se trupat do të dërgohen në një “mision këshillues dhe trajnues” si pjesë e “bashkëpunimit biletaral për sigurinë”. Ushtria ka thënë se trupat nuk do të vendosen jashtë territorit të Arabisë Saudite.

Lajmi është dhënë pas një takimi më 15 shkurt në mes të gjeneralit, Qamar Bajwa, dhe ambasadorit saudit, Naeaf Said al-Maliki, në Rawalpindi, qyteti ku është e vendosur baza ushtarake e Pakistanit.

Arabia Saudite ka kërkuar vendosjen e trupave të Pakistanit qysh nga fillimi i konfliktit në Jemen në vitin 2015, përkundër një rezolute të parlamentit pakistanez të miratuar po atë vit, që e deklaron “neutralitetin” e Islamabadit në këtë konflikt.