Kadri Veseli: Lajmi i vdekjes së Abdilaqim Ademit, na pikëlloi pa masë

 

I nderuari Ali Ahmeti,

 

Lajmi i vdekjes së Abdilaqim Ademit, na pikëlloi pa masë. Në emër të gjithë anëtarësisë së PDK-së dhe emrin tim, Ju shprehim ngushëllimet më të sinqerta për humbjen e më të dashurit tuaj dhe tonit.

 

Kontributi i veprimtarit të hershëm, deputetit, ministrit si dhe Sekretarit organizativ të Bashkimit Demokratik për Integrim, ishte i madh, andaj, jeta dhe vepra e tij, mbesin të paharruara.

 

Sot, po ndahemi nga një njeri fisnik dhe i dashur për të gjithë, sepse, ishte meritor në ngritjen, strukturimin dhe forcimin e çështjes së barazisë së shqiptarëve në Maqedoni dhe kontributi i tij mbetet shembull për gjeneratat e reja.

 

Virtytet e tij jetësore ju bëjnë Juve familje të nderuar dhe ne si bashkëveprimtarë të tij krenarë që ta kujtojmë përherë Abdilaqimin për veprimtarinë e tij.

 

Në këto momente të dhimbjes Tuaj, jemi me juve Familje e nderuar Ademi, me Juve Z. Ali Ahmeti si dhe me të gjithë bashkëveprimtarët, në mënyrë që të përballoni më lehtë dhimbjen për mikun tonë të paharruar.

 

Qoftë i përjetshëm kujtimi për Abdilaqim Ademin!

 

Prishtinë, 16.2.2018

 

Kryetari i Partisë Demokratike të Kosovës, Kadri Veseli