Indonezi, erupton vullkani “Sinabung”

Ky vullkan është një ndër tre vullkanet në vend të cilat për momentin janë në proces të eruptimit. Për katër shekuj ai ishte “vullkan i fjetur” para se të eruptojë në vitin 2010, me ç’rast jetën e humbën dy persona.

 

Katër vite më vonë në një eruptim të ri jetën e humbën 16 persona, përderisa para dy viteve jetën e humbën shtatë persona. Për shkak të eruptimit të tanishëm të vullkanit, është dhënë “kodi i kuq” i alarmit për aerokompanitë. Kjo do të thotë se rreziqet janë të larta. 

 

Në vitet e fundit, për shkak të eruptimeve të shpeshtuara të vullkanit, rreth 30.000 njerëz në rajon i kanë braktisur shtëpitë e tyre.