Afganistan, 10 të vrarë në dy sulme

Tetë policë lokalë janë vrarë dhe njëri është lënduar, bëri të ditur Arif Nori - një zëdhënës i guvernatorit provincial, - pasi një numër militantësh talebanë sulmuan një pikkontrolli policor në lagjen Deh Jak të provincës Ghazni.

 

Forcat e sigurisë gjithashtu raportuan se ata kanë shkaktuar lëndime të rënda për rebelët, por ata nuk mund të thonë një numër të saktë të të vdekurve apo të të lënduarve.

 

Zëdhënësi i talebanëve, Zabihullah Mujahid, merr përgjegjësinë për sulmin, duke thënë se militantët kanë arrestuar një oficer policie dhe kanë vrarë nëntë të tjerë. 

 

Ndërkaq, dy civilë u vranë dhe dy u plagosën në një shpërthim bombe pranë rrugës në provincën e Zabulit, tha Gul Islam Sial - një zëdhënës i guvernatorit të provincës. 

 

Më 20 shkurt, të paktën 26 policë u vranë dhe disa të tjerë u plagosën në një sulm nga talebanët në postet e policisë në krahinat Farah dhe Helmand.