Pr/ligji për media në procedurë parlamentare,Trpevska: Duhet vazhduar me reformat sistematike

Ky ligj nuk do t’i zgjidhë të gjitha problemet, me të cilat përballen mediat dhe vetë gazetarët, por ndryshimet në të ishin kërkesë e vetë komunitetit të gazetarëve dhe të apostrofuara në raportin e Pibesë thotë ekspertja për media Snezhana Trpevska. Sipas saj një pjesë e tyre janë inkorporuar në tekstin e propozuar, por ka edhe të tjera për të cilat nuk jemi në rrjedhë.

 

“Pjesa më e madhe e çështjeve që ngërthen ky ligj janë ata të cilat ne i kemi kërkuar por ka edhe të tjera të cilat që janë ndryshuar me të cilat nuk jemi plotësisht në rrjedhë dhe për të cilat nuk kemi diskutuar. Çështja e dytë e rëndësishme është se nuk mundet që problemet në sferën e medias të zgjidhen vetëm me këto ndryshime të këtij ligji. Është me rëndësi të mos mbetet këtu dhe të vazhdohet me kërkesën për reforma sistematike ne sferën e mediave ashtu siç nënvizohej në raportin e parë dhe të dytë të Pribesë”, tha Snezhana Trpevska, eksperte për politikat e medias.

 

 

Në Shoqatën e Gazetareve të Maqedonisë thonë se prolekt/ligji përmbanë pjesën dërmuese të kërkesave të tyre. Arritëm që substancën e ligjit ta ruajmë e thotë kreu i ShGM-së Naser Selmani teksa numëroi disa nga risitë e projekt/ligjit. 

 

“Qeveria me miratimin e këtij ligji nuk do të mund të shpenzojë mjete publike në televizione dhe radio për tu reklamuar ose për tu dukur se po punon shum siç bënte qeveria e kaluar.Kjo është nji dhe shum e rëndësishme dhe e dyta është se qeveria nuk do të mundet finansiarisht të ndikojë në programin në mënyrën se si do të përpilohet programi i këtyre televizioneve dhe radiove private për shkak se obligimi për prodhimin prej 50% të kontentit vendas dhe të programit dokumentarë hiqet. Kompenzimet që paguajnë radio televizionet ndaj agjencisë së mediave do të zvogëlohen për 30%. Dhe ajo që është poashtu e rëndësishme është se ulen dënimet dhe mendoj se kjo do të ulë trysninë e cilit do pushtet që bën mbi mediat”, tha Naser Selmani, kryetar i SHGM-së.

 

Megjithatë nga ShGM shprehën shqetësimin rreth financimit të servisit publik. Krahas kompromisit që brenda disa viteve të arrihet buxheti prej 1%,  nenit që regullon këtë çështje i është shtuar një dispozitë e cila krijon mundësi për të mos zbatuar atë siç parashikohet më lartë në po të njejtin nen të ligjit sqaron kreu i ShGM-së Naser Selamani. Kemi kërkuar të hiqet kjo dispozitë pasiqë hap rrugë për keqpërdorime nënvizoi ai.