Itali, triumfojnë euroskeptikët, Renzi jep dorëheqje

Si koalicion kryeson qendra e djathtë. Por, partia më e madhe e këtij spektri nuk është më Forca Italia e Silvio Berluskonit, por nacionalistët e “Lega Nord”, që në rang kombëtar renditen të tretët me mbi 18%.

Rezultat tepër i dobët për demokratët e qendrës së majtë të Mateo Renzit, që kanë marrë rreth 19% të votave.

Dhe kjo ka bërë që Matteo Renzi të japë dorëheqjen nga drejtimi i Partisë Demokratike. Asnjëra prej partive nuk pret të sigurojë shumicën qeverisëse.

Analistët nuk përjashtojnë një koalicion paszgjedhor mes euroskeptikëve të Lëvizjes “5 yjet” dhe “Lega Nordit”.