Lideri i arrestuar separatist, Zhordi Sançez u propozua për kryeministër të Katalonjës

Kryetari i Parlamentit katalonjas, Rozhe Toren e propozoi Zhordi Sançez, i cili ndodhet në paraburgim, për kryeministër të rajonit autonom pasi që Karles Puxhdemon e tërhoqi kandidaturën.

 

Sançez (53) ka pak gjasa për t'u bërë kryeministër të Katalonjës për shkak të ndarjeve në kampusin separatist, vlerëson AFP.

 

Në kumtesën nga Parlamenti ceket se spikeri e propozoi Sançezin pasi që është konsultuar me të gjitha grupet e deputetëve dhe ka konstatuar se ai gëzon mbështetje më të madhe.

 

Tani për tani nuk është konstatuar datë për mbledhje të të cilën parlamenti do të votojë për kandidaturën e Sançezit, i cili është i akuzuar për kryengritje. Ai konsiderohet si përfaqësues i ithtarëve të fuqishëm të pavarësisë së Katalonjës, të cilët shpallën "Republikën e Katalonjës" më 27 tetor të vitit të kaluar.

 

Partitë separatiste kanë shumicë absolute prej 70 mandateve në  parlamentin 135-anëtarësh.

 

Prej 27 tetorit, Katalonja është nën administratë të drejtpërdrejtë të qeverisë qendrore spanjolle, dhe do të mbetet ashtu derisa nuk zgjedhet lider i ri i Katalonjës.

 

Qeveria qendrorer e hodhi poshtë nominimin e Sançezit, lajmëroi DPA./mia