Pritet marrëveshje me Kazakistanin, për ekstradimin e të dënuarve

Temë e takimit ishte shqyrtimi i përbërjes së marrëveshjes që pritet të nënshkruhet së shpejti mes dy vendeve e që i dedikohet ekstradimit të dënuarve në këto dy shtete. 

 

Delegacioni nga Kazakistani pas takimit me ministrin Saliji, do të vazhdojë punimet me grupin e punës nga Ministria e Drejtësisë së Maqedonisë për të bërë një analizë të detajuar lidhur me të gjitha proceset ligjore që përfshin akti i ekstradimit.

 

 Ndër të tjera do të bëhet verifikimi i pikave që do të përmbajë marrëveshja ku përfshihen, negociatat për transferimin e personave të dënuar dhe marrëveshja për bashkëpunim në fushën penale. 

 

Pasi të shqyrtohen në detaje të gjitha pikat e marrëveshjes pritet që ky dokument të nënshkruhet nga të dyja palët në një afat kohor të shkurtër, thuhet në njoftimin e Minstrisë së Drejtësisë.