Ministri Jashari, takohet me kryetarin e SHGM-së

Ministri i Drejtësisë, Adnan Jashari, sot u takua me kryetarin e Shoqatës së Gazetarëve të Maqedonisë, Naser Selmanin.

 

Gjatë takimit, u bisedua për tema aktuale dhe për çështje nga sfera e mediave.

 

Edhe ministri Jashari edhe kryetari i SHGM-së, Selmani, u pajtuan se është e nevojshme të ekzistojë gatishmëri, që në mënyrë aktive të vazhdohet me kontributin për përmirësimin e standardeve në sferën e informimit.

 

Procesi i implementimit të plotë dhe në mënyrë konsekuente dhe respektimi i normave ligjore varet nga të gjithë përbërësit e këtij procesi, u theksua në këtë takim. 

 

Në takim, u morën vesh që edhe në të ardhmen të vazhdojë bashkëpunimi dhe komunikimi i  hapur.