Botë
Përmirësohet situata nga përmbytjet në Shkodër
11.03.2018 15:50
Pas reshjeve të shumta të ditëve të fundit, situata në fshatrat e ultësirës së Nën Shkodrës po shkon drejt përmirësimit...
Në një prononcim për ATSH-në, Prefekti i qarkut të Shkodrës, Çesk Millja thotë se sot situata po shkon drejt normalizimit.Sipërfaqja e përmbytur në Obot dhe Dajç ka rënë, vetëm gjatë pjesë së parë të ditës me 30 për qind, ndërsa edhe prurjet natyrale të liqenit janë në rënie.
"Nga 2300 hektarë të përmbytura një ditë më parë në mesditën e sotme llogariten vetëm 1800 hektarë të përmbytura", tha Millja.
Më tej, ai informoi se shkarkimet në basenin e lumit Drin janë zero.
"Kemi vetëm prurje natyrale që vijnë nga hidrocentrali i Vaut të Dejës, i cili po punon me kapacitet të plotë dhe këto prurje llogariten rreth 550 metër kub për sekondë", tha Millja./mia