Vdes shkencëtari më i madh i kohës sonë, Hawking, gjeniu që për 55 vjet sfidoi mjekësinë
Ka ndërruar jetë në moshën 76 vjeçare ai që cilësohej si një nga mendjet më të ndritura të botës, shkencëtari, Stephen Hawking...
Fizikanti i shquar ndërroi jetë paqësisht në shtëpinë e tij në Kembrixh, pas një beteje të gjatë me sëmundjen e rrallë të qelizave nervore, me të cilën u diagnostikua në vitin 1963, kur ai ishte 21 vjeç dhe sfidoi ekspertët mjekësorë të cilët i thanë që kishte vetëm dy vite jetë.
Në 55 vitet që pasuan, ai u bë shkencëtari më i famshëm në botë që pas Albert Einsteinit për punën e tij në eksplorimin e mistereve të hapësirës, kohës dhe vrimave të zeza, pavarësisht se ishte i lidhur pas karriges me rrota dhe ishte në gjendje të komunikonte vetëm duke përdorur një kompjuter dhe sintetizuesin e tij të zërit.
Librat më të famshëm të Hawking janë modelet matematikore për Teorinë e Përgjithshme të Relativitetit të Albert Einsteinit dhe natyrën e universit, si: Big Bangu dhe Vrimat e Zeza. Ai ka shkruar gjithsej 15 libra, në disa prej të cilëve ka qenë bashkëautor.