Maqedoni

Merkel përdor termin Maqedoni, reagon opozita Greke

19.07.2014 16:55

Partia opozitare greke “ Grekët e Pavarur”, ka lëshuar kritika të ashpra në adresë të kancelares gjermane Angela Merkel

Partia  opozitare greke “ Grekët e Pavarur”, ka lëshuar kritika të ashpra në adresë të kancelares gjermane Angela Merkel,  e cila  gjatë  press konferencën  tradicionale e cila mbahet çdo vit gjatë muajve të verës, është prononcuar edhe për kontestin me emrin mes Greqisë dhe Maqedonisë. Opozita greke reagon lidhur me faktin se kancelarja Merkel në përgjigjet e saj ka perdorur termin Maqedoni në vend të Shkupit. 
 
“Nëse Angela Merkel dëshiron Shkupin ta quajë  Maqedoni , duke i injoruar bisedimet e palës greke dhe rezolutat  e Kombeve të Bashkuara atëherë nuk do të duhej ti pengojë nëse ne e quajmë Gjermaninë  me emrin e saj të vërtetë. Rajhu i IV , në aspekt ekonomik”.
 
Kancelarja gjermane Merkel,  në Berlin me kërkesë të  gazetarëve është përgjigjur rreth qëndrimit dhe angazhimit të Gjermanisë  për zgjidhjen e  kontestit . Në pyetjen e parashtruar se a i vjen ndërmend  ndonjë zgjidhje  e mënçur  dhe kreative  për  kontestin shumëvjeçarë  mes Shkupit dhe Athinës për emrin, dhe a do të deshirojë  që edhe personalisht të angazhohet rreth arritjes së kompromisit , Merkel është përgjigjur:  
 
“Duke marrë  parasyshë  që numri i kombinimeve rreth emrit të cilat vijnë janë të kufizuara , dhe tani publikisht nuk do ti thoja, sepse në  këtë  mënyrë do ti “djegja “ propozimet.  Ashtu  ështe sepse nëse diçka tregoj , mund të  vë bast se  menjëherë  do të  arrijnë dy demante, një ri nga pala maqedonase, dhe tjetri nga pala greke. Dhe kështu smund të  kemi sukses. Bisedimet e mija rreth kontestit janë të besueshme. Ky është  proces  shum i vështirë, sepse here pas here ka dallgë  shum të forta  dhe prandaj duhet te inkuadrohem , por ka dhe faza  ku procesi dhe bisedimet  lihen për tu qetësuar. Por sigurisht që do të vijë një moment ku personalisht do të kyçem në bisedime . Në fund të fundit , ne  mund të  ndihmojmë  por përderisa palët kontestuese nuk afrohen me qëndrime, as kontributi  im nuk mund të ndihmojë”.
 
Ka thënë kancelarja gjermane Angela Merkel për agjencinë e lajmeve Dojçe Wele.
 
ANGELA MERKEL