Gjykata Themelore e Kumanovës, Kusigerska kërkoi rikualifikimin e veprës

Para nisjes së seancës, iniciativa qytetare “Drejtësi për Almirin” ka mbajtur protestë para gjykatës në fjalë.

 

Nga kjo iniciativë theksojnë se “sipas njohurive të bazuara në fakte, prokurorja Kusigerska, 6 anëtarët e Këshillit Republikan të Prokurorëve Publikë në krye me Jovevskin, me ndihmën e gjyqtares, Maja Denkovska, do ta vrasin Almirin e vogël për së dyti, me të edhe drejtësinë, besimin në sistemin gjyqësor a edhe në vetë shtetin. Terroristi, Boban Iliq, do të dalë në liri”,-  thuhet në njoftimin e iniciativës qytetare “Drejtësi për Almirin”. 

 

Vrasja e Almir Aliut ndodhi më 25 qershor të vitit 2016 në Kumanovë, pas zënkës që babai i tij dhe familjarët kishin paraprakisht me të akuzuarin, Boban Iliq, në Qendrën e Urgjencës.