BDI takon familjarët e Almirit

Deputetët e BDI-së takohen me familjarët e Almirit. Ata për këtë rastin do të iniciojnë një Komision Parlamentar, ku do të rishikohet i gjithë rasti gjyqësor për Almirin.

Avokati i familjes Aliu, Alispahiq, njoftoi se pret që në këtë proces do të zbardhen të gjitha shkeljet procedurale dhe padrejtësitë e bëra nga Prokuroria.

Deputeti i BDI-së, Artan Grubi, tha se vendimi i Prokurorisë është marrë para se të vijë Jovevski në pozitë, ndërsa pret që kryeprokurori i tanishëm të reflektojë në lidhje me këtë rast dhe të mos rrijë duarlidhur.

Iniciativa për formimin e Komisionit Parlamentar do të dorëzohet qysh sot, ndërsa u kërkua mbështetja e të gjitha partive, me qëllim që ky proces të mos marrë kahje politike, partiake apo etnike.