Anketë: Mbi 70% e grekëve kundër zgjidhjes që përmban termin Maqedoni

Në dy anketa të realizuara në Greqi, të publikuara në gazetat Katimerini dhe Proto Tema, mbi 70% e grekëve janë kundër arritjes së një marrëveshjeje për emrin, e cila do të përmbante termin Maqedoni. 

Instituti grek për hulumtime dhe analizë, „Dianeosis “, me titullin “çka mendojnë grekët, ka realizuar një hulumtim në periudhën 16 janar 5 shkurt, ku njëra nga pyetjet ka qenë edhe çështja e emrit.

Rezulatet janë publikuar në gazetën Katimerini dhe në pyetjen nëse në kuadër të gjetjes së zgjidhjes rreth çështjes së Shkupit, Greqia a duhet të pranojë emër të përbërë që do ta përmbante termin Maqedoni? 71,7% e të anketuarve kanë vlerësuar se nuk duhet pranuar emër që do të përmbante termin Maqedoni, ndërsa vetëm 24,6% kanë thënë se nuk kanë problem me një emër të tillë. 

Në hulumtimin e dytë i realizuar nga angjencioni „Marc“ për gazetën „Proto Tema “,në pyetjen nëse qeveria duhet të pranojë termin Maqedoni në emrin e ri të Shkupit?

Në këtë pyetje 74,5 % e të anketuarve janë shprehur kundër, ndërsa 21,8% janë shprehur pozitivisht, derisa 3,7 % kanë thënë se nuk e dine ose nuk dëshirojnë të përgjigjen.  Gazeta njëherit komenton se kundër një kompromisi të tillë me termin Maqedoni janë edhe 63,5% e votuesve të partisë greke në Pushtet SIRIZA.

Përqindja më e lartë e atyre që kundërshtojnë marrveshjen që do të përmbante termin Maqedoni janë banorët e rajoneve greke Maqedonia dhe Trakija edheatë 80,5%. Poashtu  79,7%  e personave të moshës  35 deri në 54 vjeç i thonë jo një marrveshje të tillë, ashtu si edhe 76% e femrave greke thekson gazeta Proto tema. (Semra Musai, TVM2)