Turqi, kapen 43 emigrant që synonin të kalonin në Greqi

Në qarkun Ayvalik, në provincën turke Balikesir, janë kapur 43 emigrantë të cilët po përpiqeshin të kalonin ilegalisht në ishullin grek Lesbos.

Ekipet e xhandarmërisë turke dolën në terren pas lajmërimit të shoferëve të taksive në lagjen Kucukkoy dhe kryen operacionin.

Migrantët me origjinë nga Siria, të cilët u kapën nga pjesëtarët e ekipeve të xhandarmërisë, iu dorëzuan autoriteteve. Migrantët me organizatorët e kalimit ilegal të kufirit kishin rënë dakord të kalojnë në Lesbos për 1.500 euro për person.