Pa ndryshime të mëdha në rangimet në ATP dhe WTA

Në krye të ATP rangimit për këtë javë, nuk ka ndodhur asgjë e re, me ç`rast pas triumfit të korrur në Uimbëlldon, vazhdon të prijë edhe më tutje Novak Xhokoviç. Fituesi i gren slemit më prestigjizo, ka tubuar 13.130 pikë dhe prinë para Rafael Nadallit, që ka 12.670.

 

Në top 10, ka patur vetëm një ndryshim, në pozitën e gjashtë, ku tani është David Ferer, para Millosh Raoniçit, ndërsa pozitat e tyre I kanë ruajtur Federer, Vavrinka, Berdih, Del Potro, Dimitrov dhe Marej. Nga tenistët tanë, Shëndrit Deari, edhe pse nuk kishte paraqitje gjatë javës së kaluar, ka regjistruar një ngjitje rekorde prej 60 pozitash dhe tani pozicionohet në vendin e 1.229. 

 

Në konkurimin e femrave, në mesin e dhjetë tenisteve më të mira, nuk ka ndodhur asnjë ndryshim.

 

Serena Uiliams, me 9231 pikë të tubuara, është e para dhe ka 2000 e më shumë se e dyta Na Li. Në top 10, gjenden edhe Halep, Kvitova, Radvanska, Sharapova, Bushar, Kerber, Jankoviç dhe Azarenka.