Kontesti rreth emrit, Zhbogar: ka përkushtim, kjo është gjë e mirë

BE pret me padurim dy takimet që do të realizohen këtë javë mes ekipeve negociatore të Maqedonisë dhe Greqisë në lidhje me çështjen e emrit. Euroambasadori, Samuel Zhbogar, thotë se ka përkushtim dhe diskutimet po intensifikohen dhe kjo është gjë e mirë.

“Është mirë që diskutimet vazhdojnë dhe intensifikohen. Ne e shohim se në të dyja anët ka një angazhim për të gjetur një zgjidhje që do të jetë e pranueshme për të dyja palët. Ne presim me padurim takimet që do të mbahen këtë javë. Si Bashkim Europian, ne e monitorojmë nga afër këtë çështje dhe, sigurisht, e mbështesim procesin nga anash”,- deklaroi ambasadori i BE-së në RM, Samuel Zhbogar.