1 prilli dita e gënjeshtrave të lejuara për të gjithë

Askush nuk e di si filloi gënjeshtra e parë në ditën të cilën romakët e festonin si dita e perëndeshës Venus. Disa thonë se ishte mbreti francez Karli IX, që kur reformoi kalendarin gregorian në 1564, e kaloi në datën 1 janar festën e Vitit të Ri, që deri atëherë festohej më 1 prill.

 

Shumë njerëz nuk e dinin këtë fakt dhe uronin vitin e ri më 1 prill, duke u tallur nga të tjerët.

 

Të tjerë e lidhin me vendimin e parlamentit të Augsburgut më 1530, që vendosi të unifikojë më 1 prill të gjithë sistemin monetar.

 

Kjo datë u shty , shumë vetë humbën paratë e tyre dhe u tallën nga të tjerët sepse nxituan të investonin.

 

Por ky është spjegimi serioz historik I festës, sepse në fakt 1 prilli lidhet me gënjeshtrat që njerëzit ia bëjnë njëri tjetrit.

 

Në të kaluarën kishte rregulla të qarta, të rriturit mund të tallnin fëmijët por fëmijët asesi nuk i tallnin dot të rriturit.

 

Dhe gënjeshtrat dhe shakatë ishin shumë serioze, dërgoheshin madje njerëzit me kilometra larg në kërkim të dickaje që nuk ekzistonte.

 

Sot gënjeshtrat janë sa për të shënuar festën. Të është rritur hunda, të ra shamia, gjëra të tilla, pa asnjë zarar e që thuhen zakonisht nga fëmijët 

 

Flash”, shprehen femijet.

 

 

Për pak kohë u besua, derisa BBC iu kujtoi të gjithëve se është 1 prill, dita kur gënjeshtra është e lejuar edhe për mediat serioze. Po sot, sa gënjejnë mediat dhe a gënjejnë vetëm për një prill? 

 

 

 

 

“Po mediat pjesërisht kur nuk ka lajme për politikë”, shprehen qytetaret.

 

Por cilët në fakt mbajnë rekordin e gënjeshtrave, edhe jashtë një prillit, ja cfarë mendojnë qytetarët e anketuar nga TVM 2. 

 

 

 

 

“Politikanët e kanë profesion gënjeshtrën”, shprehen qytetaret. 

 

 

Në jetë të gjithë gënjejmë nga pak, varet nga situata. Ndonjeherë është ndoshta qef të gënjeni dikë, e nuk ka problem për sa kohë që kjo gënjeshtër bëhet vetëm në ditën e gënjeshtrave, më 1 prill. Jashtë kësaj dite, gënjeshtari quhet vetëm mashtrues I rëndomtë.