Masat e shtyllës së tretë, kontratat e para deri në fund të qershorit

Deri në fund të qershorit pritet të nënshkruhen kontratat e para me kompanitë të cilat do të marrin grande nga masat e shtyllës së tretë të Planit të rritjes ekonomike të Qeverisë, beri të ditur drejtori i Fondit për Inovacion dhe Zhvillim Teknologjik, Jovan Despotovski.

 

Sipas tij, projektet që do të zbatohen nga kompanitë do të vlerësohen nga ekspertë të jashtëm, përzgjedhja e të cilave do të bëhet në mënyrë transparente. Me masën e shtyllës së tretë parashikohet të ndahen rreth 10,5 milionë euro.

 

“Nëse gjithçka shkon sipas planit, pres që deri në fund të qershorit do t’i kemi të nënshkruara edhe marrëveshjet e para dhe me nënshkrimin e marrëveshjeve kompanitë do t’i marrin mjetet e parashikuara”,- deklaroi drejtori i Fondit për Inovacion dhe Zhvillim Teknologjik, Jovan Despotovski.

 

Drejtori ekzekutiv i LOE-së, Aleksandar Zarkov, potencoi se ndërmarrjet e vogla dhe të mesme kanë nevojë për mbështetje financiare, që është e rëndësishme për zhvillimin e mëtejshëm të tyre dhe për këtë arsye ata tashmë po ndërmarrin aktivitete për të përmirësuar kapacitetin e kompanive për të përgatitur një aplikim cilësor. 

 

“Ne tashmë kemi ndërmarrë disa aktivitete për rritjen e kapaciteteve drejtpërdrejt të kompanive, si dhe rrjetëzimin shtesë ndërmjet tyre, ndërmjet profesionistëve, ekspertëve dhe përdoruesve potencialë për të marrë aplikim dhe shfrytëzim cilësor të fondeve”,- theksoi drejtori ekzekutiv i LOE-së, Aleksandar Zarkov.

 

Në shtyllën e tretë të Planit, mbështetja më e madhe financiare është parashikuar me masën e tretë që është në mbështetje të zhvillimit të produkteve dhe shërbimeve inovative, me të cilën financohen 70 për qind të projektit, por jo më shumë se 20 milionë denarë.