SHBA, Franca dhe Britania kanë shtuar forcat ushtarake në Sirinë veriore, alarmohet Turqia

Disa përfaqësues të Forcave Demokratike Siriane kanë folur për “Sputnik” ku kanë prezantuar themelimin e Federatës Demokratike të Sirisë Veriore (Rojava) në bashkëpunim me koalcionin i udhëhequr nga Shtetet e Bashkuara të cilët e kanë rritur prezencën në Manbij, së bashku me Francën dhe kontigjentin e ushtarëve britanikë.

“Shtetet e Bashkuara dhe Franca kanë rritur numrin e ushtarëve të tyre në Manbij pas deklaratave të Turqisë,” - tha komandanti i këshillit ushtarak të Manbijit nga Forcat Demokratike Siriane (SDF), Helil Bozi, duke shtuar se ushtarët britanikë gjithashtu janë pozicionuar në këtë rajon, raporton “Sputnik International”, transmeton Periskopi.

“Shtetet e Bashkuara i kanë vendosur njësitë e forcave speciale afër lumit Sajur, duke vendosur kështu një vijë të kuqe, kalimi i së cilës do të shihet nga forcat e koalicionit të udhëhequr nga Shtetet e Bashkuara si një sulm për të marrë veprime hakmarrëse”, theksoi Bozi. “Aleanca jonë me forcat e kolacionit do të vazhdojë të operojë dhe asgjë nuk do të ndryshojë në këtë kuptim. Koalicioni i udhëhequr nga SHBA do të vazhdojë të mbështesë SDF-në.”

Komandanti nënvizoj se Turqia nuk ka bërë kurrfarë kompromisi me Shtetet e Bashkuara rreth Manbijit: “Në rast se Turqia arriti një marrëveshje me SHBA, kjo e fundit nuk do t’i siguronte furnizime ushtarake Manbij dhe të forconte praninë e saj atje.”

“Nga ana e tij, Këshilli Ushtarak i Manbijit është i vendosur të mbajë rezistencë në rast të një sulmi dhe të mbrojë territoret e tij deri në pikën e fundit të gjakut”, theksoi Bozi.

Edhe ministri i mbrojtjes të kantonit kurd, Rezan Gulo e konfirmoi praninë e trupave amerikane, franceze dhe britanike në rajon.

“Kontigjenti ushtarak i Shteteve të Bashkuara, Britanisë dhe Francës nuk është i vendosur vetëm në Manbij por ata gjithashtu janë të vendosur edhe në Tell Abyad, Deir ez-Zor, Raqqa dhe Tabqa me një strukturë asistenciale të përbërë nga koalicioni i Shteteve të Bashkuara. Forcat e koalicionit e kanë rritur prezencën në Sirinë veriore,” specifikoi Gulo.

Më parë, Agjencia Anadolu njoftoi se SHBA kishte filluar të përforcojë praninë e saj në rajonin Manbij që nga 1 prilli.