Ahmeti takoi ambasadorin Timonie

Siç bëjnë të ditur nga BDI, Ahmeti dhe Timonie kanë diskutuar për zhvillimet politike në vend e rajon, reformat, negociatat për emrin si dhe integrimin në NATO dhe BE.

 

Ahmeti u shpreh i kënaqur nga mbarëvajtja e reformave sistemore në vend, por theksoi që ka akoma shumë punë për të bërë në drejtim të sundimit të së drejtës dhe ligjit, luftimit të korrupsionit dhe krimit të organizuar. Gjithashtu, kryetari i BDI-së, Ahmeti, është shprehur i inkurajuar nga zhvillimi i negociatave në lidhje me çështjen e emrit dhe përafrimin midis Shkupit dhe Athinës, me ç’rast ndihma nga Franca është e nevojshme dhe e mirëseardhur për ta përmbyllur këtë kontest. Këto zhvillime duhet të sigurojnë rekomandim të plotë dhe të pastër për nisje të negociatave me Bashkimin Europian më 17 prill si dhe datë për fillim të procesit aderues në BE.