Gruevski: "Bli shtëpi - bli banesë", 3 mijë euro kursim

Me ndryshimet e fundit në kushtet për projektin "Bli shtëpi - bli banesë", ai bëhet më  atraktiv për qytetarët ka deklaruar sot kryeministri Nikolla Gruevski  i cili pret  që dukshëm të rritet kërkesa e kredive .

 

Për kushtet e reja të volitshme për "Bli shtëpi - bli banesë" Kuvendi para një jave miratoi ndryshime ligjore, me të cilat bëhet ulja plotësuese e shkallës së interesit.

 

Për kredinë e subvencionuar nga projekti janë ulur shkallët e interesit prej 4,99 ppr qind në 3,95 për qind për tre vitet e para nga pagesa e kredisë dhe nga 5,5 për qind në 4,44 për qind, për vitin e katërt dhe të pestë, për modelin tek i cili subvencionohet një pjesë e anuitetit mujor.

 

Ulja e shkallës së interesit, theksoi Gruevski, do t'u ndihmojë plotësisht qytetarëve. Qeveria, sipas Gruevskit, disa herë bëri përmirësime të kushteve dhe dhënien e qasjes që një numër më i madh i personave të mund të aplikojnë për këtë projekt.